Tað er at fegnast um, at miðlarnar gera nógv burturúr Oyggjaleikunum á Wight, tað er bæði spennandi og stuttligt at síggja og hoyra hvussu gott okkara fólk klára seg.
Tað er harmar meg tó, at lítið og einki verður gjørt burturúr olympisku leikunum sum eru í Athen í løtuni. Okkara fólk frá ÍSB eru í hesum døgum í Athen, men er lítið at frætta frá miðlunum um hetta.
At privatu miðlarnar velja hetta frá er so teirra val, men eg haldi, at almennu miðlarnar hava eina skyldu eisini at varpa ljós á ítróttaravrikini hjá teimum í ÍSB.
Á heimasíðuni hjá ÍSB ber til at lesa, at tað ikki bara er á Wight at vit fáa gull, men eisini í Athen.